Þá er það komið á hreint að æfingaleikurinn verður á morgun 1. maí. Mæting er kl 14:30 í kórnum í Kópavogi Ég á enn eftir að heyra frá Magnúsi Konráð og Kristjáni Geir þannig að gott væri að heyra frá þeim, er líka búin að reyna síma, þannig að ef einhverjir hitta þá félaga þá látið þá endilega vita.
Ég veit að þetta er stuttur fyrirvari en það var núna rétt í þessu verið að bjóða drengjunum að spila æfingaleik við Breiðablik á laugardag 1. maí, milli 15 og 16 í tilefni af opnun á nýju íþróttahúsi í Kórnum í Kópavogi. Ég mundi þá fella niður æfingu á sunnudag í staðinn. Ég mundi vilja heyra frá ykkur sem allra fyrst því að ég þarf að svara á morgun. Drengirnir eru búnir að spurja mikið um leiki og þetta er sennilega síðasti séns að fá leik, þannig að endilega bregðist vel við þessu þótt fyrirvari sé stuttur.
Jæja það er allt samkvæmt áætlun, myndin hefst kl 18 í Kringlunni. Ég verð mættur hálftíma fyrr við miðasöluna og verð með peninga meðferðis sem hafa orðið afgangs á mótunum í vetur og læt drengina hafa þá. Þetta eru á bilinu 600-1800 kr og allir nema Kristján Geir, Árni Páll og Einar Alex eiga eitthvað inni.
Jæja það var ákveðið á æfingu á miðvikudag að fara í bíó næsta þriðjudag kl 18:00 á Astroboy. Sýningin er í Kringlunni og kostar 600 kr eftir því sem ég kemst næst, einnig er gott að hafa smá aukapening fyrir poppi og kók eða einhverju gotteríi innan skikkanlegra marka.
Jæja þá var ég að spá í að safna drengjunum saman og fara í bíó í næstu viku. Stefnan er að gefa frí á æfingu á þriðjudag og fara í sexbíó í kringlunnu. Ég á eftir að koma með betri upplýsingar hér á blogginu á næstu daga þannig fylgist vel með.
Á sunnudag kl. 16 fer fram fyrsti leikur Vals og Fram í úrslitarimmunni í úrslitakeppni kvenna í handknattleik. Ég hvet alla mína menn til að fjölmanna á Hlíðarenda og stiðja stelpurnar því mikið er í húfi, svo er líka alltaf gaman að fara með félögunum á leik. Entilega rottið ykkur saman og látið í ykkur heyra í höllinni. Hver veit nema stelpurnar eigi síðan eftir að stiðja okkur þegar á þarf að halda :)