Æfingar falla niður

Æfingar falla niður um helgina vegna landsleiks Íslands í handbolta. Leikir liðsins verða sýndir á risatjaldi í aðalsalnum í Vodafone höllinni og eru allir hvattir til þess að mæta.

Póstmót Breiðabliks

Var bara að frétta það núna að ég á að sjá um að rukka inn keppnisgjald sem er 1500 kr á mann, þannig að ef einhverjir sjá þessa færslu hjálpar það til ef þið verðið reddí með pening þegar þið mætið á staðin.

kv Frosti

Póstmót Breiðabliks niðurröðun

Jæja þá er kominn niðurröðun fyrir Póstmótið.

10 ára spila í Kársnessskóla og eiga leiki kl. 8:30, 9:30 og 10:30 þannig að þeir verða bara mættir kl 8:00.

11 ára spila síðan í Smáranum kl 16:00, 16:30 og 18:00 þannig að þeir verða mættir kl 15:30.

Endilega látið vita ef einhverjir komast ekki, það eru fáir drengir á hvoru ári þannig við meigum ekki við að missa marga.

Vonandi sé ég sem flesta.

Kv. Frosti

Póstmót Breiðabliks

Jæja þá eru hlutirnir aðeins að skýrast með póstmótið um helgina. Það er ekki enn komin niðurröðun á leiki en mér sýnist að okkar drengir eigi að spila alla sína leiki á sunnudeginum. 10 ára drengir eiga að spila í Kársnesskóla en 11 ára drengir í Smáranum, þetta er gert vegna þess að svo mörg lið hafa skráð sig að ekki er pláss fyrir alla í Smáranum. Ég mun segja frá niðurröðun um leið og ég fæ upplýsingar um hana.

Kv Frosti

Vinavika

Nú er vinavikan búinn en þeir vinir sem hafa áhuga meiga æfa frítt í 2 vikur á meðan þeir ákveða hvort þeir vilja halda áfram. Upplýsingar um skráningar í flokkinn eru á heimasíðunni valur.is

kv Frosti

Gleðilegt ár

Sæl verið þið. Vildi nota tækifærið og kynna mig fyrir foreldrum og prófa mig áfram hérna á blogginu, og láta vita að hér verða allar upplýsingar kynntar framvegis. En ég heiti Frosti Sigurðarson og er nýráðinn þjálfari drengjanna. Annars vonast ég bara til að sjá sem flesta foreldra á fundinum kl. 6 á morgun.

Kv. Frosti

Foreldrafundur

Fimmtudaginn 14. janúar verður haldinn foreldrafundur minniboltans og hefst hann kl. 18:00. Fundurinn verður haldinn í Lollastúku í Valsheimilinu og þar gefst foreldrum möguleiki á að hitta nýjan þjálfara flokksins. Á fundinum verður farið yfir helstu málefni flokksins eins og samskipti, mótafyrirkomulag, keppnir og æfingar, mikilvægi þátttöku foreldra í starfinu, foreldrafélag, fjáraflanir og annað slíkt. Einnig fá foreldrar upplýsingabækling sem er sérstaklega hannaður fyrir flokkinn. Mikilvægt er að allir iðkendur hafi sinn fulltrúa á fundinum vegna þess að mörg mót eru framundan og það verður mikið um að vera hjá flokknum nú á vorönn hjá körfuboltanum.

Bestu kveðjur,

Lýður og Frosti

Vinavika Vals

Nú er í gangi vinavika Vals og hvetjum við alla til þess að taka með sér 1-2 vini á æfingar. Með á æfingunum verður Byron Davis leikmaður meistaraflokks Vals og mun hann aðstoða við æfingar og eflaust kenna einhverjar nýjar æfingar. Svo er aldrei að vita nema hann verði með troðslusýningu í lokin.

Við viljum minna á að öllum vinum er frjálst að prófa að mæta áfram á æfingar næstu tvær vikurnar

Rafræn Reykjavík

Búið er að skrá alla iðkendur inn í rafræna Reykjavík. Opið er fyrir ráðstöfun frístundastyrksins út janúar mánuð en eftir það verða sendir út gíróseðlar. Ef barnið er ekki skráð þá vinsamlegast hafið samband við skrifstofu félagsins í síma 414-8000 eða sendið tölvupóst á ragnhildur@valur.is

Æfingar hefjast að nýju

Gleðilegt ár.

Æfingar fara á fullt á nýjan leik núna á þriðjudaginn næstkomandi (5. janúar) samkvæmt æfingatöflu. Sjáumst hressir.